港姐黃嘉雯介入 陳家樂連詩雅有暗湧？

34歲「男神」陳家樂因劇集《逆緣》中「爺爺」一角而彈起，並成功入屋，除劇集受歡迎外，在影壇同樣吃得開，其主演電影《不日成婚》近日上映，可謂影視齊飛！有樣有事業的他，被視為城中筍盤。

甚有異性緣的他，去年被爆與歌手連詩雅拍拖，多次被拍得密會，2人均未有否認戀情，成公認一對。正當外界以為男神「封盤」之際，近日有傳2019年港姐冠軍黃嘉雯（Carmaney）介入，令戀情現暗湧！有指她與家樂因合作劇集《把關者們》而認識及變熟落，更在社交網不時互動。

初次拍劇的黃嘉雯特別緊張，不時問對手攞意見。

放大圖片

冇再提男友

家樂與Carmaney在劇中均飾演督察，分別隸屬不同部門，角色看似沒有關連，但因劇情有跨部門案件調查而不乏對手戲。家樂為人向來友善冇架子，對後輩照顧有加；而Carmaney則性格開朗，跟全劇組無論男女均關係要好。由於今次是其「處女劇」，所以她對演出非常緊張，不時詢問對手自己的表現，又虛心求教，頗得眾人歡心。其實當年參選時，她曾大方承認有位感情穩定的瑞士籍男友Matej，對方更為她而定居香港，2人拍拖至今3年多，然而，以往愛得高調的她，最近已沒有在社交網放閃。

對於有關傳聞，2位當事人口供一致，家樂說：「一齊拍過劇，但我同佢場口唔多，所以真係唔知點解會有咁嘅緋聞傳出。」至於Carmaney亦說：「咁好笑，大家只係工作上認識，私底下冇聯絡。（最近冇放閃，同男友分咗手？）冇呀！」當年家樂與連雅詩亦因工作而撻着，2人之前互不認識，直至2019年合作無綫旅遊節目而結緣，在韓國濟州拍攝期間變得熟落，其後男方主動邀女方擔任網上節目嘉賓，繼而互生情愫。

唔識氹妹妹仔

此外，陳家樂昨晚出席活動，之前他拍攝電影《不日成婚》時冧得衛詩雅姪女很開心，在新片《總是有愛在隔離》又與谷祖琳女兒有不少對手戲，但他自爆未能討對方歡心：「佢個女唔係人咁品，可能佢喺屋企由細到大訓練有素，全部演藝世家，我只係跟住佢，佢話條魚好靚，我就話『係』去討好佢，佢啲戲劇細胞多到吖！我引唔到佢笑！」