鄺潔楹開心果 3歲定80

「童顏女神」鄺潔楹自細已是開心果，經常笑面迎人，每次影相必定笑到四萬咁口，非常討人喜愛，她說：「聽屋企人講我甚少喊，所以3歲定80呢句說話係真嘅，因為到依家，我性格都係開心同樂觀，同埋我好有表演欲，小學已經參加朗誦、合唱團同跳舞班，一睇就知我想發展唔同潛能啦！」
鄺潔楹性格樂觀，絕不記仇。
鄺潔楹性格樂觀，絕不記仇。

她透露有一個年長4歲的哥哥，兄妹感情要好，但偶有百厭時刻，印象最深一次是哥哥扮重傷，嚇得她爆喊：「有次同哥哥打交，打打吓佢衝入廚房，之後出返嚟成身紅色，我見到即刻喊咗出嚟，以為我打到佢出血，工人姐姐一望梗係知哥哥扮嘢，睇得出佢身上係番茄醬，仲整到成地都係，最終連累埋我一齊被媽咪罰。」

鄺潔楹小時候精靈可愛。
  • 鄺潔楹小時候精靈可愛。