Gin Lee做大師姐拉隊錄《勁歌》
「環球歌手」李幸倪（Gin Lee）、江海迦（AGA）、陳凱詠、趙浚承、曾比特等，前晚齊齊現身《勁歌金曲》錄影，身為大師姐的Gin Lee表示公司首次拉大隊出席《勁歌》，感覺特別，問到可有趁機指點後輩？她說：「唔會！佢哋有問題同意見先問我，我都冇大師姐感覺，公司藝人比較多，今日我係少少大啫，身份成日變，都係做師妹爽啲！」
而6年沒有現身該節目的AGA坦言心情興奮：「好少全公司一齊上音樂節目，老闆都嚟埋，之前上ViuTV節目冇咁齊人。（兩台感覺有咩唔同？）呢邊有現場觀眾，始終係兩個唔同Style嘅節目。」去年因疫情關係取消演唱會的她，透露已重新入紙申請明年年初舉行。