簡淑兒激推真人騷 揭開面具
藝人簡淑兒（Jessica）及朱敏瀚讚新節目充滿新鮮感，大感期待，Jessica表示：「最期待當然係我有份演出嘅劇集《智能愛人》！我好鍾意李佳芯，佢係我心目中嘅女神，而且呢個題材喺香港劇集嚟講未有過，好少會講機械人或者關於未來，好想知出到嚟大家嘅反應。」綜藝方面，她首推真人騷，因為本身很喜歡看這類節目：「觀眾平時見到我哋都係劇集入面嘅角色，真人騷可以畀觀眾睇到唔同一面，比較真實。」
朱敏瀚則力推有份參與的綜藝節目《SUPER FIVE》：「係5周年特別企劃，我哋5個人一齊拍5集唔同題材嘅嘢，大家都玩得好癲，尤其麥大力！佢畀大家感覺係好高貴嘅飛機師，我哋就將佢由空中拉落地面，等佢冇咁離地，拍完大家關係好好！」他很享受整個拍攝過程，希望將來有機會再參與。