陳庭欣擔心舊愛 陳凱彤照一齊夾歌
William於圈中人緣甚佳，踏入36歲生日，迎來如此大的衝擊，他指一班好友如陳庭欣、周志康及周志文都一度很擔心他：「當然依家就冇喇，因為都過咗兩個星期，同埋我覺得真正嘅支持，唔一定係喺網上面甫啲乜嘢，而係用行動支持。（佢哋擔心你啲乜嘢？）擔心我點去應對，覺得係公關災難，同埋應該點樣去避重就輕，但我又覺得唔使，乜嘢都照直講，人哋點睇我，其實我唔太Care。」
除了一班老友記，不少藝人都如常上Happy Live唱歌，這亦令William感到溫暖：「乜嘢都係同以前一樣，陳凱彤、林若盈、羅天宇等都有嚟Happy Live夾歌，生活一切照舊，朋友照約我踢波，大家都係成年人，冇受到任何影響。」