「口罩小姐」浩南恨做主持
ViuTV另類選美比賽《最後一屆口罩小姐選舉》總決賽前晚落幕，出爐雙料冠軍「浩南」鄭伊琪受訪時笑指沒想過奪冠，抵死自爆男友亦對她零期望。獲得5萬元獎金的她打算請全體食飯，談到為選美狂減11 kg，她透露用了3個月瘦身，之後想入行做綜藝及飲食節目主持。
化妝師「阿姨」徐蒨寧獲亞軍，賽後其老公、3歲囡囡及奶奶驚喜到場獻花祝賀。她興奮表示沒想過有名次，問老公是否睇好她拎冠軍？她冧爆說：「喺佢心目中我係冠軍！」又直言有意入行，家人無限量支持。
至於季軍「細細粒」馮寶欣受訪時坦言對賽果有少許失望，因為想攞冠軍，但認為「浩南」實至名歸。問到是否輸身高？她說：「本身冇咁諗，細細粒都有內、外在美、得意同靚，點知好多人都覺得係輸高度。」