馬德鐘升呢再合作 歐陽震華慶幸：我未退休

馬德鐘與歐陽震華今次對手戲甚多，過足戲癮。

歐陽震華、馬德鐘、陳瀅及賴慰玲等昨日到電視城為下周播出的新劇《伙記辦大事》宣傳，未能出席的女主角萬綺雯就以紙牌人「現身」及預先拍下片段播出。2位男主角上一次合作已是逾20年前的《陀槍師姐II》，馬德鐘則記得曾合作《醉打金枝》：「嗰陣我仲係7、8、9線演員，有得同Bobby合作已經好開心，今次直頭可以鬥戲，真係心心眼！」Bobby亦笑說：「好認得你！其實都好感恩，當時我係男主角，到依家都未退休，而佢亦成為視帝，依家一齊合作好開心。」問到有「收視福將」之稱的Bobby可有信心？他認為口碑緊要過收視，講到萬綺雯未有出席，他笑指對方已在內地落地生根，更爆她計劃在浙江開民宿。

同場的陳瀅對於另一主演劇集《愛美麗狂想曲》及此劇同時播出，她說：「《愛》其實之前播咗，好多fans都話睇咗，依家呢套就會新鮮啲，2套角色唔同，畀大家唔同感受。」她又想起拍攝《伙》的飛車鏡頭：「拍啲飄移戲，拍拍吓先知原來真係咁勁，拍完有啲眼濕濕，但唔可以叫出嚟，因為我嘅角色要型，所以嗰陣係心慌，但眼神又要好堅定。」劇中她與馬德鐘有感情線，更預告有「水乳交融」的水底親密戲：「嗰日我哋去到泳池拍水底戲，要着住泳衣，又唔可以化妝gel頭，感覺好赤裸，都驚會冇美感。」

陳瀅難忘與馬德鐘的水底親熱戲。

歐陽震華影大合照都要搵埋好拍檔萬綺雯……個紙牌。

楊明戲份冇刪減

另外，官非纏身的楊明於劇中飾演交通警察，昨日未有出席活動，對於宣傳海報沒有楊明，監製陳耀全解釋因其案件已進入法律程序：「現階段唔應該用佢做宣傳，對佢或我哋都比較好。」但強調沒有刪剪其戲份。