甄詠珊昨午於尖沙咀出席美容院開張活動，直言考慮做老闆：「一街都係吉舖，真係諗緊，不過好初步，希望以養生同做運動為主題。」她坦言疫情之下，工作仍相當忙碌：「搞到冇時間籌備新歌，依家追進度，今年起碼出4隻歌，第1隻已派台，希望大家可以幫吓身邊人，發放正能量。」疫市下有新歌出，她感激公司老闆支持，並希望多做騷。
