同樣做過兒童節目主持的譚玉瑛與譚偉權（Gary），最近在新劇《青春不要臉》合作，Gary笑說：「我喺劇裏面做兒童節目《430穿梭機》船長，類似當年張國強機長嘅角色，譚玉瑛就升呢做監製。佢話知道我有份拍，所以好期待再合作。大家好耐冇見，傾咗好耐偈！」拍攝當日與一班小朋友合作，他自嘲老了：「啲小朋友扮火車搭住不停跑，跑咗幾個圈，我索晒氣，真係唔夠佢哋嚟！」
