李丞責睇口鼻就識分！
繽FUN星網節目《玄途有李》，由著名堪輿學家李丞責博士與主播嘉琪一齊暢談風水玄學。上集丞丞師傅教大家從面相分辨渣男，新一集就會講壞女人面相。丞丞師傅表示可從鼻及口去看：「鼻太細代表滿足唔到要求，如果配上顴大，因為鍾意話事，所以容易恰老公、唔聽老公講、自己揸主意。而鼻翼飽滿係偏財運，但鼻孔唔可以闊，闊係大花筒，不善理財。」
口方面，他說：「以前會話女兒口大食窮郎，口大係志在四方，如果女性志在四方就容易節外生枝。喺傳統觀念中，女性係三步不出閨門，要相夫教子，而女性口大即係鍾意出外。嘴巴係睇一個人對男女嘅要求，性感同感性，所以厚唇女性，現代人覺得性感，但性感就易招桃花，唇厚嘅人亦會縱慾，如果冇其他五官去剋制就好易過火。」
另外，他指有些女生容易被誤會水性楊花：「印堂太闊，代表胸襟闊，女性胸襟闊就誤交損友嘅機會大；女性手大腳大就操勞，容易放任，如果掌大加上好似冇骨咁，以前叫肉枕手，好容易過分投入感情。」不過，他認為很多時不能一概而論，要講人與人之間相處是否配合。