劉小慧喊冤唔係為錢！
「得閒修女」劉小慧與歌手老公蘇志威的退役冠軍愛駒「駿王」，前日在澳門賽馬會出賽跑第9名，他們無辜被指為贏獎金，罔顧曾有腳傷及兩度心律不正的「駿王」生死。
昨日小慧受訪時表示，「駿王」要在澳門出賽另有原因：「我哋送咗『駿王』去新西蘭頤養天年，但唔想同佢相隔咁遠，最近又喺內地搵到個更理想嘅地方畀佢，不過由新西蘭直接運去內地係好複雜嘅事，所以冇辦法下，先安排佢去澳門賽馬會住1年，再運去內地，但規定期間要出賽。至於畀人話為獎金，呢個講法完全唔成立，一隻8歲嘅馬又點可以幫我贏冠軍？」更豪言相信史上絕無馬主像她般不為錢，反而要不停「科水」，又坦言曾因被誤會而唔開心。
視像解相思
小慧指「駿王」由新西蘭運往澳門稍後再到內地，單是機票及澳門「住宿費」已達7位數字：「佢退役前贏嘅獎金都Cover唔到呢個數啦！仲未計我養到佢終老為止喎！」現時她最希望盡快通關，可以飛撲往澳門與「駿王」母子相聚，目前只能靠視像慰相思：「我透過視像叫佢幾聲，佢真係聽到，仲識點頭o架！我嗰刻真係開心到喊！」