李克勤再做主持同無綫講心

歌手李克勤相隔6年再為無綫綜藝節目擔任主持,身肩重任的他指跟無綫講心不講金。而部分參賽者的年紀跟其大仔相若,不過他就慶幸兒子沒有唱歌天分,不會參加選秀節目,免得他頭痛。

李克勤聯同15位參賽者昨日出席無綫歌唱比賽節目《聲夢傳奇》的拜神儀式及錄影,他透露早在1月份已有人接觸他洽談該節目,問此人是否曾志偉?他否認:「唔係,邊個唔重要,工作係緣分。佢哋覺得好啱我做,初時想搵我做導師,但我唔想咁單向,就畀我做主理人,我想好似大哥哥咁同佢哋分享。我諗住請其他歌星幫手,但呢啲等大會公布。」他希望有好收視及做出不一樣的比賽節目:「投入咗唔少心機同時間,錢就冇乜o架喇!(有冇人工?)有,夠買衫褲鞋襪,我同TVB唔講呢啲,有個情意結。」

姚焯菲心情緊張

克勤謂之前已見過參加者,問到對哪位印象最深刻?他笑言:「有幾個得14、5歲,見到佢哋好似見到我個仔咁。不過佢哋感覺好大個,我個仔仲好Baby。」問到會否讓兒子參加唱歌比賽時,他火速落閘:「佢冇呢個天分,好在,唔使我頭痛。(唔贊成佢比賽﹖)唔係,每個家庭處理唔一樣,要睇佢有冇天分,冇就唔好夾硬嚟,最好就係冇啦!」

參賽者姚焯菲表示事前完全不知賽制,心情緊張,而人氣較高的炎明熹直言擔心首集便被淘汰,怕發揮欠佳令大家失望。至於林智樂首集便會唱克勤的歌曲,被對方讚揀歌有品味,他承認樣子不突出較輸蝕,開玩笑指通關後要去整容。

細仔愛食蝸牛

另外,克勤的太太盧淑儀昨日在社交網上載了全家為細仔慶生的相片,她雖然用眼鏡Emoji為兩子遮眼,仍看得出他們青靚白淨,盧淑儀留言稱細仔喜歡食蝸牛,所以就滿足壽星仔願望。