見高層密斟 周柏豪目標開巡唱
歌手周柏豪昨日出席電台活動時透露，為即將開拍的無綫新劇《法證先鋒V》開工前，會先拍攝另一時裝劇，但故事及拍檔要賣關子。談到星夢娛樂改朝換代，他說：「從來冇負面影響，反而有更多機會同唔同人合作，之前同曾志偉、何麗全同樂小姐（樂易玲）見面傾咗偈，嚟緊方向都係巡唱、拍劇同出碟。」
同場還有余香凝及Super Girls等，懷孕7個月的余香凝自爆重了30磅，加上水腫，連婚戒都戴唔落，着鞋也要老公幫忙：「食好多嘢，奶奶又燉湯畀我飲，真係好多謝佢。不過因為個肚好大，條腰成日都痠，要戴托腹帶，做嘢都唔可以做全日。（打算順產？）冇咁大勇氣，決定開刀。」她又在社交網上載摸肚行Catwalk的短片，叫Fans估BB性別：「同大家玩個冇獎遊戲，估吓係男仔定女仔？」網民指她肚圓圓似生女，連已為人母的歌手雨僑亦湊熱鬧留言：「我覺得係女！」