梁裕恆撩鍾培生隻揪：單手都KO你

「百億富三代」鍾培生與麥明詩舊愛林作的「百萬擂台戰」成為全城熱話，近日引來落選港男梁裕恆（Flow）挑機，在鍾培生的發文下留言挑釁：「小丑，小朋友打交，我畀100萬零1蚊你，上擂台，讓你單手都KO你。」又豪言：「睇你敢唔敢應約！」鍾培生揚言會奉陪到底，並提供銀行戶口號碼：「我不嬲都唔係好覆傻仔，除非有着數。多謝你幫我找林作條數，留名等走數。」Flow隨即反擊：「鍾生等錢使，冇問題……4月隨時打可以，唔戴頭套，問題係你敢唔敢。」又指今次是真正的「平民對權貴」：「幫人教吓仔，等佢唔好以為有少少錢喺香港就惡晒。」