蕭正楠自爆遭陳瀅突襲舌吻

藝人蕭正楠（Edwin）、李佳芯（Ali）、陳瀅、伍詠薇及Bob等昨日在將軍澳電視城出席《愛美麗狂想曲》x《TIGER'S TALK》宣傳記者會。Ali與Edwin互笠高帽，她大讚對方的HeHe角色演得入型入格夠晒乸，更獲網友評價他與曹永廉的「HeHe值」更勝王浩信與張振朗，Edwin笑說：「場咀戲錫咗4次，好難忘，我真係幾忍得臭（口架），第一次同男仔咀嘴，個feel同女仔唔同，有啲拮囉，仲要閉氣。」而Ali笑指劇中的大露背淋水戲，遠不及陳瀅的演出性感，Edwin亦說：「同陳瀅場咀戲直情係舌吻嚟，佢喺電光火石之間舔咗埋嚟，佢事前特登唔講喎，搞到我拍完呆咗坐喺度，佢真係好麻甩，唔係傳統嘅TVB演員，所以幾有驚喜。（同阿廉咀點比？）冇得比，一個係香薰，一個係坑渠。」他又指老婆黃翠如早前為他搞生日慶祝，但笑稱老婆製造的驚喜錯漏百出，自己早猜到端倪。