玄學家張芯熏指馬鞍山、烏溪沙及大埔地段向北，鄰近吐露港，即北面見水，她說：「嚟緊行九運，九運為北面要有水，即旺北水南要有山，所以馬鞍山、烏溪沙同大埔，都係中咗九運中北面見水嘅特徵，住喺呢個地區嘅人，會特別旺個人錢財呢方面。」
她建議大家可以趁機入市：「馬鞍山、烏溪沙同大埔將會開始行地運，所以大家喺呢幾個地方開始選擇買樓，就應該差唔多。」馬鞍山的星級業主，包括藝人湯洛雯於2019年購入馬鞍山雲海別墅；鄧萃雯於2012年以千萬購入帝琴灣。大埔方面，大埔比華利山有謝安琪及鄧麗欣居住，而王祖藍亦於2015以逾億買入逸瓏灣頂層連私人空中泳池的3,000呎複式單位，更只寫上太太李亞男名字。