湯洛雯買中旺地新居：希望好啲！
2年前豪擲4,500多萬購入馬鞍山獨立屋的無綫花旦湯洛雯（靚湯），對於該區被玄學家預測將成為風水地，她昨日接受本報訪問時表示亦有聽聞：「好似話有3個地方係風水好嘅，其中一個就係馬鞍山，其實買呢間新屋之前都有問過啲師傅，樣樣都問吓咁，佢都話係OK！咁聽到就梗係開心，不過呢樣嘢唔可以盡信，風水之餘，都要自己做嘢勤力，淨係坐喺度唔會無啦啦發達，所以我希望好啲！」
與馬國明愛得癡纏的她不時傳出婚訊，更指婚後會遷入新居，不過靚湯卻笑指新屋將與家人同住，現時裝修還在趕工，她亦不時前往監工，但尚未落實何時竣工入伙，更說：「希望搬屋之後父母身體愈來愈好，阿妹就學業進步啦！」