陳嘉倩化身Miss 考驗「口罩小姐」急才

ViuTV另類選美節目《最後一屆口罩小姐選舉》第2集繼續進行海選環節，未出場的參賽者施展渾身解數爭最後9個入圍名額。56號參賽者穿瑜伽服露腰表演花式跳繩；同樣着瑜伽服的92號谷胸上陣玩花式呼拉圈；53號跳舞時突然除剩Sports Bra搔首弄姿，被評判笑指似連鎖麵店夥計，但亦成功入圍。至於被網民認出是「籃球女神」方泳琳自誇：「我真係好靚！戴唔戴口罩都靚！」博得評判發動換人牌，成為最後一個入圍「佳麗」。