鍾培生擂台戰 揼900萬造勢
麥明詩舊愛林作與鍾培生的「百萬林鍾拳賽」落實於9月18日在九展舉行，預計可讓1,800名觀眾入座，最貴的門票索價近3萬。據知樂隊LMF及側田已收到邀請做嘉賓，陳嘉倩會在現場報道。
鍾培生準備買300萬紅隧廣告造勢，製作連宣傳費直逼900萬，他表示：「MC暫定會搵無綫、ViuTV同資深司儀各一，有3大陣容。（舉牌女郎係咪搵藝人？）Ring girl要專業，一定要靚女，就算畀500萬都一定唔要豬扒！」
另外，提到被重提數年前的訪問中自爆性慾強，他說：「不嬲都強，係好勁！（一夜情？）以前外國讀書時試過，係同學，但唔係鬼妹。（唔尷尬？）處理得好就唔尷尬。（冇女友又性慾強，咁點算？）可以用手。」