簡思恩日操夜操 肥妹變索女

若劇情需要，簡思恩不介意性感演出。

有意考健身教練牌

身形弗到漏的Melody自爆半年前還是肥妹仔一名，當時她由模特兒轉做幕後，因暴飲暴食令體重飆升20磅，後來靠飲食及運動減肥：「我一星期做6日運動，有時一日做5、6個鐘，我當自己係運動員咁操練，加埋教人，最瘋狂試過1日做12個鐘運動。」不單變成減肥達人，還計劃出書公開消脂心得，甚至考營養師及健身教練牌。

曾經放縱 亂識男仔

講到感情生活，她自爆曾有一位拍拖近9年的男友，分手後一度放縱自己：「我以前超級乖，唔煙唔酒唔落酒吧，分開咗有種解放感覺，20幾歲先開始反叛，當時玩咗2、3個月，識咗唔少男仔，最後發現唔應該為咗放低之前一個而拍拖，只會加更傷害自己。」期間她跟相識兩個月的男生去旅行，但男方有心，女方無意，令旅程非常尷尬，她強調不會再讓「歷史重演」。

簡思恩積極練武裝備自己。

簡思恩試過分手後放縱自己，回想起來非常後悔。