周家蔚沉迷網購靠老公補貼
藝人周家蔚、 阮兆祥及張學潤昨日出席網上帶貨活動，家蔚及祥仔異口同聲表示因疫情變「網購達人」，前者打趣說：「1日花2、3個鐘睇貨，屋企門鐘成日響，叫收貨！（每月花費幾錢？）近5位數！（用私己錢？）我有個戶口，用晒咪叫老公入錢！」至於祥仔被問到曾志偉可有邀他回巢無綫，他猶豫一會後回答：「會嘅，我諗住星期三記者會先講，開心嘅。」
另外，談到老公洪天明返港，大仔哭崩一幕感動網民，家蔚透露老公完成手頭港產片拍攝後仍要到內地一趟，不過不會逗留太久。有記者打趣指她有點圓潤，祥仔笑問：「天明返嚟播種？」她說：「係肥咗，但唔係有咗！佢話如果再生有壓力，因為我對佢唔係人咁品！」