菊梓喬自薦獻舞 要就住！
「星夢一姐」菊梓喬（Hana）為劇集《愛美麗狂想曲》主題曲《愛很美麗》拍攝MV，上山下海，一早到石澳攀山落石灘取景，因導演希望有浩瀚澎湃的感覺，她說：「去石灘條路有啲難行，自己又着住條裙，唔係太方便，不過到達現場見到個大環境，就覺得一切都好值得，天氣好好加埋啲海浪，成個感覺好靚。」
MV中有段絲帶舞的表演，Hana一直很喜歡絲帶舞的美態，覺得很適合今次MV，故跟導演商量後，構思了今次拍攝，她說：「確定咗要拍攝之後，我就努力再去補堂，未試過喺其他人面前跳，其實都幾緊張，今次未係最理想，不過可以靠鏡頭遷就，最重要係放鬆有笑容，跳出美麗夢幻嘅感覺。」