不時公開與老公蘇志威放閃的劉小慧，前日竟公開「投訴」，大彈對方的拍攝技巧：「店主成日叫我哋影定多啲相出Post，右下角張相影咗好多張都聚唔到焦，算吧啦！老公你都係唱歌跳舞好啲！唔啱揸機搵食，唔好搶人飯碗，仲有唔好打爛我飯碗，影啲咁嚇人嘅相，趕走啲Fans。」又笑指要做個精明的人：「開心又一日，唔開心又一日，梗係揀開心咁過！」
