最愛cosplay 楊洛婷怕囡囡公主病
藝人楊洛婷早前與女兒Tanya化身《魔雪奇緣》中的主角Anna與Elsa一同拍廣告，她指女兒非常喜歡Elsa，因此其3歲生日派對都以《魔雪奇緣》為主題，一家三口齊齊cosplay：「囡囡好想做Elsa公主，我同佢講做公主唔係只係着靚裙同唱歌，公主係好勇敢同獨立，希望佢明白，亦希望佢大個唔會有公主病。」
楊洛婷又指整個拍攝過程囡囡都很開心，似玩樂多過工作：「佢喺廣告中要唱歌同講嘢，其中佢要講勇敢呢兩個字，我以為佢唔記得，點知佢竟然記得點講，覺得佢好叻，拍攝前一晚，佢仲要求我同佢要着住套公主衫一齊瞓覺。」