陳庭欣 何浩文 寵物瑜伽硬錫狗狗

陳庭欣笑何浩文人大狗細，而且對愛犬超級長氣。

藝人陳庭欣（Toby）最近自資拍片做寵物界KOL，邀請好友何浩文（Dominic）與松鼠狗仔（Teddy）到高級酒店做寵物瑜伽。雖然他倆身形甚弗，卻是硬手硬腳，竟被瑜伽考起。Toby說：「導師教我做一個動作烏低身錫隻狗仔，雖然導師幫我，但係都做唔到，佢直情出術抱起隻狗仔嚟錫。不過，做寵物瑜伽都幾好，除咗可以令筋骨柔軟，仲可以訓練狗仔同主人嘅合作性，狗仔都乖啲。」

• Toby手腳並用舉高狗狗，表現OK啦！

長氣訓話15分鐘

Toby與Dominic相識多年，更一同拍過遊戲與寵物節目，她笑說：「佢隻松鼠狗仔好得意、好可愛，但當時覺得咁大個男人，抱住隻咁細嘅狗仔，對比好大、好搞笑，我成日都笑佢。」又取笑Dominic超長氣教導愛犬：「佢外形同真人好唔似，佢好長氣，可以訓示隻狗成個鐘，同佢講道理，不過佢隻狗仔又真係好乖、好聽話，可能真係有效，哈哈！」

至於「家教甚嚴」的Dominic笑說：「Teddy對酒店房好似幾好奇，不停咁行嚟行去，有啲唔聽話，所以返屋企都同佢講咗15分鐘道理。」