楊茜堯炒車逃命 冇諗起囡囡
靚媽藝人楊茜堯在新劇《家族榮耀》與演其丈夫的黃浩然拍攝一場交通意外場口，挺住「大肚」逃出生天，七情上面相當入戲！忙演戲的她冇時間「媽咪上身」諗自己囡囡，昨日她受訪時說：「劇組好好，拍嘅時候做足安全措施，我唔算太擔心，但因為集中聽導演嗌Action，所以大住肚都冇諗起囡囡，只係想盡力做好件事，況且拍完呢個鏡頭就煞科返屋企喇，好開心！」
據悉，她一直希望拍一套以女性為重心的劇集，今次終如願以償，與「新知」熊黛林及李彩華等鬥戲。而丈夫兼劇中拍檔羅子溢表示：「煞科後佢（茜堯）應該會休息吓先，短期內未必再接戲，日後亦唔會好似以前咁多產喇！」