想撇甩女友遊埠 洪永城驚跪玻璃

洪永城昨日為活動擔任星級旅遊達人，談及疫情下未能出埠，他笑說：「發夢有去！依家一放假就同朋友傾有咩韓劇，成個人宅咗。」問到通關後首個旅遊目的地，他表示要睇工作安排，不介意與女友情侶檔拍旅遊節目，又自爆2年前曾拍拖去緬甸拍旅遊片，惟現時當地發生政變，故決定私藏。他又表示想賣甩女友去旅行：「疫情期間大家緊密相處，都想要番啲自己空間，幾日後再見，感覺小別勝新婚！就算結咗婚，都建議各自去旅行，係唔知返到嚟使唔使跪玻璃啫！」