陳約臨夜訪新娘潭 靠猛男壯膽
前國際小姐陳約臨（Kelly）近日為無綫節目《野外步出》做嘉賓，卻被安排做農夫耕田，一直害怕昆蟲的她有點抗拒，最終還是答應演出。
大隊選址新浪潭的農田作為拍攝場地，Kelly要半夜三更到場，坦言未出發先淆底：「當日電召咗有折的士，凌晨4點攝製隊未到場，但我已經到咗。因為現場實在太陰森，氣場太猛，我真係好驚，膽粗粗叫司機哥哥陪我，寧願唔要折頭！最後佢陪我等咗半個鐘。」
不少女嘉賓節目中分享內心世界時，都會感觸流淚，Kelly笑說：「呢樣嘢真係對主持方紹聰有啲失望！因為本身性格開朗，所以佢點問我都冇喊。」