現年28歲的美國流行音樂天后Demi Lovato，日前推出紀錄片《Demi Lovato : Dancing with the Devil》，自爆先後2度被姦，其中一次是2年多前吸毒過量後，慘被毒販強暴！
迪士尼童星出身的Demi，於紀錄片中自爆15歲時被強姦而失去處子之身：「我哋係被撮合，但我同佢講：『喂！我哋唔可以再進一步，我係處女，我唔想以咁嘅方式失身。』事後我自責係自己嘅錯，因為我仍然跟佢入房……」並指事發一個月後，曾致電對方希望解決事情，但令她感覺更差勁，結果以吸毒來麻醉自己。
她亦重提2018年7月吸毒過量險死一事，當時於寓所吸食毒販提供的大量毒品，更被毒販強姦：「我唔單止吸毒過量，仲被人佔咗便宜！當醫護人員搵到我嗰陣，我係赤裸同全身變紫藍色！我喺醫院醒番，佢哋問我係咪進行過自願嘅性行為，我記起當時佢（毒販）爬喺我身上，所以答自願，但一個月後先醒覺自己喺唔清醒狀態下被強姦。」雖然Demi表示已成功戒甩毒癮，但仍會吸大麻和飲酒，並稱如果不放縱，就會想接觸更危險的毒品。
Demi自爆慘痛經歷後，引起網民熱議，有人覺得她不值得同情：「有啲擔心佢，不過佢又再次飲酒同吸大麻，我怕有日會再聽到有關佢嘅傷心新聞。」亦有網民指迪士尼出產的童星長大後都有悲慘遭遇：「一諗起咁多位迪士尼前童星（Miley Cyrus、Selena Gomez及Britney Spears等）大個咗之後遇上重大轉變，令人覺得好不安。」