李佳芯恨開騷 洗「魔音」污名
女星李佳芯（Ali）主演的《愛美麗狂想曲》提前於下周播映，趁未開始忙宣傳工作，日前她舉行線上粉絲見面會，疫情下與粉絲隔空聚會個多小時。
期間她透露未來大計，稱有意開設個人影片頻道，亦希望日後有機會舉辦小型音樂會：「Mini Concert呢樣嘢幾好，幾鍾意唱歌。演戲以外，唱歌係表達自己情緒或者想講嘢嘅一個途徑，想喺呢方面落多啲苦功。我有繼續練唱歌，有機會都想唱畀大家聽，希望會唱得好啲。」一班粉絲聽到後直呼期待。Ali之前曾因登台獻唱《小幸運》走音而被封為「魔音」，未知日後舉行音樂會是否會再唱「代表作」呢？