鍾舒漫戥舊愛開心送祝福
吳浩康於情場見慣風浪，戰績亦相當彪炳，一眾舊愛均有樣貌、有身材亦有家底，不過幾乎個個都不歡而散，未能再見亦是朋友。如上一段感情戀上「咪神」崔碧珈，不足1年便「閃分」，雖然他已於社交網認低威，但未獲女方原諒之餘，還被寸爆「扮上進」及「大話精」，火藥味甚濃。
而當年他與胡定欣拍拖時，有傳戀愛大過天的胡定欣為他找卡數，不過這段戀情僅維持5年便告終，有指是因莊思敏介入。之後他分別與師妹鍾舒漫及李昭南相戀，前者更發展至談婚論嫁階段，但臨門一腳男方被爆「偷食」而煞停婚事，不過由於2人已分手多年，鍾舒漫亦有穩定的另一半，面對舊愛有新戀情亦大方送祝福：「好簡單，就係戥佢開心，祝福佢新戀情啦！」而李昭南則表示不知道他拍拖，已一段時間沒有聯絡：「係咩？我真係唔知，如果係，祝福佢呀！（做康女郎有冇咩秘訣？）每個人相處方式唔同，我諗最緊要係大家相處舒服，祝福佢啦！」