李施嬅冧讚未婚夫 唔心急造人

李施嬅宣布婚訊後，昨日首次現身公開活動。她表示因疫情關係，未開始籌備婚禮：「註唔註冊、結唔結婚都唔係好着緊，因為我哋已經認定對方。」問到未婚夫Anson有何吸引之處？她冧爆說：「佢個人好簡單、細心同好錫我，好支持我追求夢想。佢鍾意勤力嘅人，唔鍾意懶人，所以未來我都要好勤力。（造人一樣勤力？ ）順其自然啦，我都鍾意小朋友，但唔會刻意。」並大爆未婚夫潛水時拿出戒指向她求婚。