Canband避靈氣天黑前仆落山
新進樂隊Canband日前接受電台DJ崔潔彤訪問，分享拍攝新歌《同一起哄》MV的難忘事。他們透露MV在摩星嶺取景，為爭取日光，早上6時就要起床，又笑言當日最困難的是要行45度大斜路：「團隊要將拍攝工具搬上去，我哋都要搬樂器，仲有幫手搬飯盒上山，雖然上到去都已經凍晒，但為咗靚景，冇計啦！」
講到該處是「探靈勝地」，他們笑言擔心拍攝時會多了個「成員」一起夾band：「同埋每個人都要入間小屋拍攝，我哋心入面好驚，但為咗做到MV效果，全部人都頂硬上，好彩最後順利完成，日落前拍晒，因為大家都趕住入黑前離開！」