黎諾懿恩愛秘訣勝在夠懶

黎諾懿與李潔瑩結婚7周年，育有一子「小春雞」，一家3口生活美滿。黎諾懿坦言不是浪漫之人，太太亦一直覺得他很悶，笑言：「相識至今9年，感情都冇咩分別，所以我奉勸大家，對住女朋友唔好開行個Turbo做咁多浪漫嘢，唔做咁多就冇事。」太太直言每個女仔都想有浪漫時刻，但自己其實亦很懶，所以大家都不用做花巧嘢：「我要求低啫，最浪漫就係去旅行。」

雖然丈夫在娛樂圈工作引誘較多，但她反而覺得所有人都幫她看管老公更為安全。黎諾懿說：「我入行17年，如果為咗一個誘惑犧牲17年嘅努力，我覺得好唔抵，唔值得，有得玩應該係後生時玩，唔係依家先嚟玩。自己收入全奉獻，冇多餘錢就唔會身痕。」

夫妻間冇秘密

他表示以前會備案跟哪位女演員有親熱戲，但現在已辦不到：「唔通無端端講會同邊個錫咩。」李潔瑩亦不介意：「佢真係乖，生活好簡單，我都唔會去檢查佢手機，我哋兩個手機密碼一樣，我知道晒佢所有嘢。」他亦向太太大派定心丸：「重點當然係愛你啦！」