Gin Lee壓軸攞晒彩 菊梓喬企歪

Gin Lee、AGA、Hana、泳兒及鄭欣宜等前晚演出無綫慈善節目《博愛歡樂傳萬家》，環球唱片於「破冰」後首次有歌手亮相節目，身為董事總經理的黃劍濤（Duncan）更親自到場領軍，無綫則安排Gin Lee壓軸演出，相當畀面。

談到相隔多年再次踏足將軍澳電視城，Gin Lee表示感覺既熟悉又陌生，AGA則直言很久未試過與眾多歌手同場。她們異口同聲表示：「嚟緊公司會繼續同TVB合作，我哋應該會出席關於音樂嘅綜藝節目，如果有機會拍劇同唱主題曲都想試。」AGA更明言希望為古裝劇創作主題曲：「話晒以前都係睇呢啲劇送飯嘛！」

反觀「星夢幫」Hana與JW等全晚排位未見搶眼，更偶有「靠邊站」的情況出現。談到有傳星夢歌手要「加簽」無綫經理人合約，Hana表示交畀大人傾，又說：「同何生（何麗全）見過面，知道音樂未來方向，所以反而想拍劇，做主線角色有得發揮嘅！」JW則承認已簽無綫經理人約，並說：「一步步嚟，佢哋（同門歌手）遲啲都要轉埋過嚟喇！」

鄭欣宜怕震出肥膏

另外，鄭欣宜以性感打扮唱跳，效果震撼。她受訪時豪氣地說：「真係好緊張，想盡量chok有型眼神，又驚震咗啲肥膏出嚟！綵排時我差啲跌倒，因為平時着開波鞋。（唔怕走光？）上台唔理得咁多，真係有你哋（記者）記得幫我打格仔。」至於司儀之一的馮盈盈被問到「宿敵」江嘉敏向生果店（抓）贊助時，表示不清楚：「不過未經雙方同意公開對話截圖，我覺得唔係咁好囉！」