馬浚偉接掌藝訓班 升呢校長

據知馬浚偉主要職責是管理無綫整體職藝員不同層面的培訓，而無綫今次亦希望在其主理下，將昔日藝員訓練班演變成學院！以往他曾與鄭丹瑞等擔任藝訓班導師，而他去年在北京大學光華管理學院修畢行政人員工商管理碩士課程，又投資開設演藝教育中心，憑其資歷和學歷而得到志偉青睞。

網民質疑未做過視帝

馬浚偉在1991年加入無綫，演過《洛神》、《十月初五的月光》、《宮心計2深宮計》等深入民心的劇集，但就從未攞過視帝，故有網民質疑其資歷。對於合作一事，馬浚偉坦言已與無綫討論，但未落實方案：「多謝大家關心，一切都係傾談當中，乜嘢合作方式慢慢再傾啦，大家都要夾時間同嗰個方向是否能配合，公司嘅事，我能夠支持嘅就一定會盡量幫手。」

而鄭丹瑞亦坦承志偉有叫他回巢：「佢有『單』聲，大家合作多年，要我做乜都冇所謂，但細節要再出嚟傾。」

戴祖儀感恩有劇拍

另外，何麗全接管星夢後，有傳要求星夢歌手加簽TVB經理人合約才「有得留低」，其中菊梓喬、譚嘉儀、林穎彤及戴祖儀都會簽約。對此菊梓喬表示：「乜都唔知，本身兩邊仲有合約，要佢哋傾先得。」譚嘉儀就否認加簽傳聞：「我上年剛剛續咗TVB經理人合約，所以唔使加簽，而歌手合約都依然係星夢。」林穎彤同樣否認加簽，但坦承其星夢經理人合約已轉為TVB經理人合約︰「依家就統一番，而星夢份唱片合約都仲喺度，同經理人份約個年期拍番齊。」至於戴祖儀就謂不方便公開合約內容，只表示一直與公司保持良好關係，感恩有新劇拍及正籌備跨公司的合作歌。