欺人太甚 白雲誓硬淨反擊

李元玲因不堪網絡欺凌而情緒崩潰，更企圖自殺，事件震撼娛圈。其實網絡欺凌問題漸趨「普及化」，不少藝人亦曾身受其害，當中因拿督女身份而成為網民攻擊對象的莊思明直言從沒想過輕生，因為覺得不值︰「最初見到啲欺凌字眼係有啲唔開心，但後嚟就諗點解要為咗啲無謂人自殺？條命係我嘅，佢哋講嘅嘢傷害唔到我，反而覺得佢哋好可憐，要用假帳號先夠膽出聲。希望大家同政府唔好再忽視呢樣嘢，應該正視呢個問題。」