已故樂壇天王米高積遜（Michael Jackson，MJ）女兒、現年22歲的巴莉絲（Paris Jackson），去年與拍拖2年的樂隊The Soundflowers成員Gabriel Glenn分手，近日有傳已另結新歡。35歲過氣男星Emile Hirsch連日在社交網站公開2人親密合照，疑似公開戀情，不過女方隨即否認，令人懷疑Emile是刻意炒作緋聞博見報！
曾主演《極速賽車手》（Speed Racer）紅過一段時間的Emile，日前在社交網分享與巴莉絲頭貼頭合照及親吻女方的親密照，隨即引起熱烈回響。正與他合作拍新片的女星姬蒂布絲禾夫（Kate Bosworth）大派心心Emoji，有Fans更留言直接問他：「你哋拍緊拖？」
有人對戀情直呼期待，但亦有網民批評他們年齡差距大，並不合襯：「巴莉絲得22歲，Emile就35歲……呢段關係令我不安。」巴莉絲寸爆回應：「佢其實係我其中1個最後生嘅死黨，而我另外1個最好嘅朋友都係50幾歲，可能你冇大過你嘅朋友，因為年長嘅人會覺得你乞人憎或者唔成熟，哈哈！其實我仲未提起另一個密友，佢都76歲。年齡只係個數字，我享受同所有年齡嘅人為伴，冇咩唔妥。」她又上載一張搞笑截圖，留言指只是與異性合照就被追問對方是否其男友，認為此舉實在太可笑。有消息指雙方認識多年，只屬好友。
其實Emile於2008年拍完《極》片後一直星運平平，再沒代表作，更是一名麻煩友。2012年，他被狗仔隊拍得疑因醉酒在夜店外向植物小解「施肥」；3年後在夜店襲擊1名電影公司女高層被起訴，結果被判入獄15日、罰款4,750美元（約37,050港元）及50小時社會服務令，所以他利用巴莉絲來谷人氣亦不足為奇！