譚俊彥日前受訪時坦言心痛父親狄龍拍戲辛苦，決落Order要對方息影。對於兒子一番美意，狄龍大表欣慰：「佢咁忙都有留意咁多嘢，真係好好。兩父子好多嘢都唔會宣之於口，佢好努力工作，又愛錫家庭，仲會記住我嘅訓言，好似對前輩要尊敬、有禮貌，好多朋友都有同我講番，有讚佢。」
問到會否聽乖仔之言退休？狄龍太太陶敏明表示：「我哋依家接少好多工作，會睇劇本、揀季節同埋衡量龍哥（狄龍）嘅身體狀況能唔能夠應付到，唔想個仔擔心。」