鍾嘉欣約忠粉撐枱腳感觸落淚
藝人鍾嘉欣不時拍片更新個人網上頻道，最近她邀請粉絲Queenie聚餐，並稱對方是逾10年的超級忠粉，「專一程度勁過男朋友」。她續指對方以前經常到各大頒獎禮現場守候，為她打氣：「每一年你哋（粉絲）都希望我攞到獎，但最尾好多時候我都冇攞過獎，但一出嚟見你哋舉晒牌，又自製個獎狀畀我。」當得知對方曾為她通宵排隊，只為搭第一班車到場霸頭位舉牌時，大感震驚又感動。
講到最難忘回憶，嘉欣指2013年舉辦第1個演唱會回饋歌迷，回想過去努力打拚的點滴，期間忍不住幾度落淚：「因為做咗娛樂圈咁耐，真係唔容易，好多時候自己一個人喺香港，冇家庭、冇親戚喺度，所以有粉絲支持係好開心……以前見你哋咁細個，依家變到咁大個，我又結完婚，仲生埋仔，我走咗咁耐，已經5年冇返嚟，點知你哋仲喺度，照計跟咗第2個，或者大個已經有自己生活。」