藝人吳肇軒最近與袁富華在電影中合作飾演父子，肇軒對前輩讚不絕口，笑言：「可能拍完都忍唔住叫佢做老竇，希望我老竇唔好呷醋啦！」戲中要表演「棟篤笑」，原來他向來儲有不少笑話：「以前讀書時，老師成日叫我向成班同學講笑話，要全部人都笑先唔使再講，結果我講咗成個學期，有好多笑話袋住。」
