陳山聰操上癮 肩負剝衫重任

陳山聰久休3個月做「湊仔公」，日前與譚俊彥（Shaun）、曹永廉為無綫新劇《十八年後的終極告白2.0》開工，說到與囝囝的「蜜月期」，山聰坦言開心又過癮：「佢開始識得玩、有反應，好好動，喺我懷抱中都要轉身，依家8個月，企喺我膊頭都完全唔驚。」

追多個唔話得事

山聰指太太已復工，兒子交給工人姐姐及媽媽照顧，他說：「阿仔好重，老婆依家抱唔到耐，我又衰，之前佢食剩奶，我為咗氹佢食，抱住佢行又玩舞獅，人生第一次好享受。（追多個？）都有咁嘅想法，自己多兄弟姊妹，怕佢得一個將來孤單，不過唔係我話事，要睇老婆。」

拍攝那天，山聰於清晨5點便起身跑步，但他指齋跑不夠，希望再fit啲。說他操上癮時，他笑謂：「冇辦法啦！依家都唔見啲女藝人話要keep fit，男仔就全部要剝衫。」Shaun也愈來愈fit，他指前後瘦了30多磅：「之前拍《拳王》仲瘦，跌到148磅，依家已經肥咗5磅，會Keep住！」

曹永廉似半退休

拍攝時見倒地的阿廉狀甚痛苦，訪問時他笑言：「好在之前有跑步，你睇佢哋操得咁fit，我都唔可以輸得太遠，之前抖咗幾個月冇拍劇，好似半退休咁。」之後無綫綜藝節目會愈開愈多，他謂：「依家綜藝節目好多變動緊，好多嘢未知，《流行經典50年》做多幾集都要暫停先，之後點樣都要等公司再決定。」