衛詩雅哽咽謝戲迷 爆陳家樂心急成婚
衛詩雅被追問結婚話題時，即時推波給拍檔陳家樂，大爆對方恨結婚，陳家樂坦承對婚姻充滿憧憬，更揚言有機會就會結婚。
英皇電影《不日成婚》日前舉行優先場，導演陳茂賢率領演員陳家樂、衛詩雅（Michelle）、談善言、朱栢康、岑珈其及楊偲泳等現身戲院答謝觀眾支持。戲迷反應熱烈，大讚電影貼地，期間有女戲迷自言被Michelle的其中一段戲感動落淚，令她聽到後即勾起不少拍攝回憶，一度哽咽回應：「拍嗰場戲我都好深刻，睇劇本時已經有好大感覺。」
「搵到啱嘅人就結」
戲中Michelle不斷向「男友」陳家樂逼婚，她稱現實剛好相反：「角色同我並唔相似，我唔係太敢結婚，反而家樂就好想！」家樂承認對婚姻滿懷憧憬，更說：「唔明白點解大家講到咁灰，人到咗差唔多年紀就應該去做，如果搵到啱嘅人，有機會我就會結婚，見好多人嘅婚姻生活都好美滿。」
提到朱栢康於片中經常背飾演太太的談善言偷食，家樂形容對方是為藝術犧牲，因其演技出色，很易令觀眾誤會真人跟戲中是同類人，朱栢康即開玩笑說只是做回自己，楊偲泳代為澄清，兼即興充當媒人：「佢其實係個唔錯嘅男仔，私底下經常叫我介紹女仔畀佢識，在場嘅姊妹可以考慮一吓！」談善言則明言現實生活中不能接受另一半不忠，又認為即使不結婚，一個人也可以很開心。