李丞責拆解「老闆命」
《繽FUN星網》節目《玄途有李》由著名堪輿學家李丞責博士與主播嘉琪一齊暢談風水玄學，在最新一集中，丞丞師傅以玄學角度分析發達秘訣。不少港人都喜歡買股票，香港於2024年踏入九運，師傅睇好娛樂：「不過唔好只係睇香港娛樂，要睇長遠啲，睇埋手遊同網絡遊戲，跑喺前線有機會賺錢。至於虛擬貨幣Bitcoin，雖然九運旺IT，但相信好多法例同規管會不斷革新，可能會令到變化好大，而且物件定名會影響運程，睇吓將來會唔會有新名稱，中文名叫虛擬，咁就適可而止啦！」
另外，不少人有意在疫市創業，師傅稱創業要有老闆命格：「屬猴嘅人創業機會係好，其次係農曆7月出世嘅人，即新曆8月4至9月3之間；而申時，即係下午3至5點出世嘅人，都有啲機會做小生意。」
而每集丞丞師傅都會占卜，今集他以6個銅錢占卜賽馬投注，得出「地水師卦」，他解釋：「地水師一定係同三點水有關，知唔知邊個練馬師、騎師個名有三點水？其次就係土字旁，而流年當旺數字係7同8。」