藝人蔣家旻日前為無綫節目《星光路上》擔任嘉賓，與主播潘盈慧分享演藝路上的難忘事。過往多演柔弱角色的她，直言當初接到劇本演大家姐角色時的確開心，但另一方面又感到壓力：「我有同朋友、幕後同事講演呢個角色，佢哋好有疑問，連自己都係咁樣，好在之後靠化妝同衣着投入到角色。拍之前亦有同好朋友朱千雪傾，佢叫唔好畀外形局限自己，仲用影后周迅做例子，話雖然佢細細粒，但無論演霸氣同柔弱角色都駕馭到，就係咁畀到信心我。」
