蘇皓兒拍鬼片 靠音樂收放「戲」勢
「文青女神」蘇皓兒（Chloe）拍的鬼故短片日前於網上播出，短片自去年開始拍攝，但因疫情關係而延遲面世。製片於去年安排Chloe在農曆七月十四拍攝，她一口應承，果然膽生毛。首次拍鬼片的她說：「拍攝時導演好好，知我經驗尚淺，用咗一啲靈異嘅音樂幫我入戲，音樂激昂時，自己情緒就大啲，音樂收細，自己就收番啲，呢個係自己喺拍攝上第一次畀人咁Tune法！」
Chloe笑言：「咁啱又好巧合，拍完之後幾個工作都同靈異嘢有關，雖然拍攝時係鬼節，但我對呢方面冇乜感覺，唔係好驚。（有冇靈異經歷發生？）又冇乜，之前我去過啲相傳猛鬼嘅地方拍攝，當時工作人員感覺唔對路，但我冇嗰種感覺。」