蔡小蝶驚家暴 唔吼爆肌男
藝人麥長青（麥包）、亞姐蔡小蝶及范莎莎等，昨日出席亞視拳擊節目《KF1百萬拳王》直播。范莎莎直言對肌肉男有好感：「身材好代表佢係生活好有規律嘅人，會花時間操練。」小蝶則剛好相反：「太大隻好驚，我怕被家暴！（揀男友都大隻男免問？）係，我鍾意高大同陽光。」莎莎即笑言大家口味不同，一定不會爭男人。
至於麥包稱受疫情影響，有份投資的餐廳無奈要轉手，自言沒有彈藥再做生意，現時主要做直播帶貨，稍後就會到深圳隔離為拍劇作準備。對於曾志偉回歸無綫，將在綜藝方面大展拳腳，現屬自由身的他揚言：「隨時候命，佢好多諗頭。」
