舊同學鄧英敏：遲啲一齊開戲

吳孟達是無綫第三期藝訓班學員，同學鄧英敏、麥振江、伍潤泉等結伴到場致祭，鄧英敏透露年少時大家都很頑皮，2人更曾與周潤發、林嶺東在屯門泳池興起裸泳！他指吳孟達喜愛賽馬，有時在內地工作，都會請假返港賭馬，更贏過幾十萬，又大讚對方豪爽：「有次第三、四期同學開派對，當時吳孟達做緊南非鮑魚生意，攞咗百幾隻鮑魚宴客，每人一隻。（依家最想同佢講咩？）兩年幾前林嶺東去咗上面開戲，依家達哥都去埋，記住留番個角色畀我，遲啲都要上去一齊開戲。」