石詠莉偷𥄫人夫 任抄牌
歌手石詠莉（Sukie）與黃翊昨日拍攝網上音樂節目，互笠高帽，黃翊說：「見到佢呢個Hi-Fi天后，即刻唔怕醜『抄牌』，希望可以一齊Jam歌。」Sukie笑說：「我不知廉恥地即刻應承，成日睇佢嘅Live，期待可以合作，見到佢都好怕醜！」
此外，黃翊透露參加微電影比賽，邀得羅敏莊擔任女主角，笑言沒甚親熱戲：「只係現場導演突然要加戲，講我哋20年冇見重遇番，所以就激情同感動啲，嚟個深情擁抱。（冇親熱戲係驚老婆呷醋？）唔關事，都係工作，同埋係導演覺得劇情需要。」Sukie則透露去年要處理公司的合約問題：「要重整心態，想簽公司定獨立，最後都揀番再次獨立，所以要儲錢出歌。」