鄭嘉欣開工 捱冷有暖男呵護

模特兒出身的鄭嘉欣（Christine）身高1米78，拍過廣告、電影，亦唱過商場騷，熱愛唱歌的她更參加ViuTV節目《全民造星III》，希望圓歌手夢：「一直好想做歌手，希望之後可以多方面發展。（有咩目標？）相信每個鍾意唱歌嘅人都想喺紅館開演唱會！」問到視哪位歌手為學習對象？她坦言最欣賞唱得之人李幸倪（Gin Lee）：「佢一個人由馬來西亞嚟香港，喺唔熟悉嘅城市打拚咁耐，但一直冇放棄過，所以希望同佢合作。佢唱歌真係好好聽，咩曲風都駕馭到。」